Her har du moglegheit til å få deg ein nøkkelferdig, ny einebustad med gode kvalitetar!

Bustaden blir levert med god standard og moderne utføring over to plan i tillegg til integrert carport med direkte inngang til vaskerom.

Verdt å nevne:

Takhøgde opp til ca. 3,2 m. i 2. etg

Kjøkken frå Aubo

To bad og vaskerom

Overbygd veranda på ca. 10m²

Luftig stove- og kjøkkenløysing på totalt 48m²

Praktisk planløysing tilrettelagt for vaksne og familiar

Attraktivt og rolig område med gode soltilhøve heile året

Gangavstand til sjukehus, høgskule, barnehage og butikk

Flotte turmoglegheitar i området

Ca. 3 km til Førde sentrum

1.etg: Entré, gang, bad, vaskerom/bod og to soverom.
2.etg: Stove, kjøkken, bad, gang og soverom.

Ta kontakt ved interesse!

Vievegen 143,
6812 FØRDE

Kommune: Sunnfjord
Gnr. 43
Bnr. 55
Knr. 4647

Enebolig

Areal oppgitt i prospektet er gitt i bruksareal (BRA) som er bustaden sine mål innvendig, saman med innvendige boder og veggar, yttervegg er ikkje medrekna. I tillegg vert det oppgjeve P-rom som er leilegheitene sitt BRA-areal fråtrekt innvendige boder og veggane til desse. Då bustaden ikkje er oppført, er oppgjevne areal basert på arkitekten sine arealutrekningar. Avvik kan derfor førekomme.

Sjå vedlagte planteikningar for detaljerte mål på bustaden.

2024

Det vises til romskjema for generell behandling av innvendige overflater, samt standard produktbeskriving.

Takhøgd i 1. etasje blir 240 cm eller meir med unntak av bod / vaskerom som eventuelt kan få redusert takhøgde dersom det er nødvendig for å skjule teknisk infrastruktur.
I 2. etasje blir det skråtak i stove og soverom. Takhøgda i hovuddelen av stova vil variere frå ca 270 cm til ca 320cm. I bad, gang og kjøkken blir det flat himling med høgde min. 240 cm.

Golv:
I stove, kjøkken, soverom og gang er det laminatgolv som ser ut som vanleg kvitpigmentert eikeparkett. Nemninga på denne er Grand Alu Champs Elysees frå Berry Alloc.

Veggar:
I kjøkken og stove er det veggar med gipsplater. Ein kan velge fritt to fargar, og ein farge per rom. Fargar utover dette blir som tilval.
I entré/gang, soverom og bod/vaskerom er det ferdigmåla plater i type Huntonit Basic Wall. Det kan veljast fritt blant standard fargar og overflater i Basic Wall sortimentet.

Tak:
Tak har gipsplate med to strøk matt kvit måling (Klassisk Hvit NCS S0500-N eller Bomull NCS S0502- Y)

Kjøkken:
Kjøkkeninnreiing er frå Aubo levert av Montèr. Modellen i standardleveransen er Sense som har 6 valfrie fargar. Det blir gjennomført eigne avklaringsmøte / tilvalsmøte med kjøkkenleverandør som mogleggjer personleg utforming og tilpassing av kjøkken.

Det kan ikkje utan vidare påreknast at ein kan flytte posisjonar for installasjonar som krev tilkopling av vatn, avløp eller straum. Eventuell omflytting må godkjennast av prosjektleiar.

Det vert levert med oppvaskmaskin, komfyr, induksjon platetopp og kjøle-/ fryseskåp frå Elektrolux. Kvitvarene er innbyggingsprodukt. Ventilator frå Røros, evnt Flexit.

Vegg mellom benk og overskåp vert levert i måla utføring.

Det vert teke atterhald om å kunne endre kjøkkeninnreiing og kvitevarer til tilsvarande produkt og kvalitet frå andre leverandørar/ produsentar om leveringssituasjonen eller andre marknadsforhold gjer det nødvendig / hensiktsmessig.

Spesifikasjonar kjøkken:
- Front modell Sense med 6 valfrie standardfargar. Handtak Tenerife 128.
- Laminat benkeplater 30 mm, rett laminat forkant. Fleire valmoglegheiter.
- Vask modell Franke Spark SKX611-100
- Standard kjøkken har normalhøgde – topp overskåp / høgskåp ca 212 cm
- Skuffeseksjonar med fulluttrekk og demping.
- Ventilator type Røros Crystal 1140 (slimline) el. tilsv.

Bad:
Baderomsinnreiing er type Unik frå Aubo i kvit farge. Servantskåp i bredde 100 cm. Høgskap på bad 1.etg kan bestillast som tilval. Topplate med integrert servant og eitt greps servantbatteri, spegel med integrert lys. Vidare vert det levert eitt greps dusjbatteri med dusjgarnityr og dusjveggar/dører som kan slåast inn i hjørne når dusj ikkje er i bruk. Vegghengt klosett i kvit porselen. Badekar med nødvendig røropplegg kan bestillast som tilval. Badet blir levert med 20x20 golvflis type Demireks Exil / Majorica. På vegg er det 60x30 baderomsplater frå Berry Alloc i type White Glossy. Malte gipsplater i himling.

Vaskerom:
Her blir det tilrettelagt for vaskemaskin og kondenstørketrommel. Vaskekum som tilval om ein ønskjer det.

Garderobe:
Garderobe leverast av anerkjent leverandør/kvalitet. 1 meter pr sengeplass med front i glatt utføring, integrert sokkel og skaphøgd på ca. 2,1 m.

Innvendige dører:
Innvendige formpressa dører med slett kvit overflate, type Bygg 1 Sletten eller tilsvarande. Dørkarmar i kvit farge, NCS S0502Y. Dørvridar i blank eller børsta stål.

Innvendig trapp:
Trapp mellom etasjar vert utført med trapp frå Hagen AS av typen Strynetrappa Fauna eller tilsvarande. Kvitmåla med tette trinn. Trappa blir levert frå fabrikk med integrert bod under.

Vindauge:
Vindauge med energiglas. Vindauge er av tre med utvendig aluminiumskledning.
Innvendige karmar vert levert ferdig kvitmala. Innvendige utfôringar med gerikt er ferdig kvitmala med synlege stiftehol etter listespikar. Illustrasjonar kan vise avvikande løysing med tilsynelatande listefri løysing.

Inngangsdør:
Hovudsinngangsdør Bygg 1 Odda med glasfelt, el tilsvarande, i malt utføring frå fabrikk med slett overflate. FG-godkjend tryggleikslås vert levert.

Listverk:
I rom med laminat vert det levert golvlister tilpassa golvtypen. Alle gerikter rundt vindauge og dører vert levert som fabrikkmalte furulister i kvit NCS S0502Y utføring med synlege stiftar. Taklister med enkel skygge som standard der det er ferdigmåla plater eller baderomsplater. I rom med målte gipsplater på veggane er overgangen til tak listefri. I rom med gipsplater på veggane kan ein ha det listefritt rundt vindauge som tilval.

Diverse utstyr:
Brannsløkkingsutstyr i samsvar med forskrifter. 1stk brannsløkkingsapparat. Brannalarm i samsvar med forskriftskrav.

Ventilasjon:
Det vil bli montert balansert ventilasjon med lokalt aggregat plassert i bod / vaskerom. Anlegget har varmegjenvinning i samsvar med forskriftskrav. Friskluft vert tilført rom med høge krav til luftkvalitet, og brukt- og forureina luft vert ført ut av bustaden.

Elektrisk:
Elektrisk anlegg ligg generelt skjult. For lyspunkt i himling vert det levert stikkontakt i overgang mellom himling og vegg. Ledlys monterast under overskap på kjøkken. Komfyrvakt. Det er med utvendig belysning styrd av astrour eller fotocelle.

Alle rom får stikkontakt og lampepunkt i samsvar med gjeldande normer og forskrifter. Det vert installert eige sikringsskåp med automatsikringar. Straummålar og hovudbrytar i utvendig skåp plassert inntil yttervegg.

Sanitær:
Det vert montert opplegg for oppvaskmaskin i kjøkkenbenk og opplegg for vaskemaskin på vaskerom, som vist på teikning. Det vert ikkje montert skyllekar som del av leveransen.

Tilvalgsmoglegheiter:
Ved tilval og endringsarbeid gjer ein merksam på at kjøpar vil bli kalla inn til endringsmøte av utbyggjar/ entreprenør, der kjøpar og entreprenør går gjennom leveransebeskrivinga. For endring av standard/ leveranse vert det skriven ein endringsavtale direkte mellom entreprenør og kjøpar. Oppgjer for evt endringsarbeid skal skje gjennom meklar.

Det vil bli mogleg å gjere enkelte individuelle tilpassingar avgrensa av konstruksjonsprinsipp og lovverk/forskrifter. Seljar vil i god tid før innreiingsarbeida startar kalle inn til tilvalsmøte for gjennomgang av eventuelle endringar. I tillegg til møte med seljar, vil det også verte arrangert eige møte med kjøkkenleverandør, elektrikar og røyrleggar.

Det vil i utgangspunktet ikkje vere høve til å flytte/endre bærande konstruksjonselement, sanitære punkt eller vegger med sanitære installasjonar, eller andre vegger med vesentleg grad av tekniske installasjonar.

Atterhald:
Alle opplysningar i denne spesifikasjonen er gitt med atterhald om rett til endringar som er hensiktsmessige og naudsynte, eller som følgjer av offentlege pålegg, utan at den generelle standarden vert forringa.

Eigedommen består i dag av to gardsnummer; Gnr. 43, bnr. 55 og Gnr. 43 bnr. 379. Etter at eigedommane er overført til kjøpar, vil disse verte samanføya til eit bruksnummer. Samla utgjer disse eigedommane ca. 280 kvm.

I samband med ferdigstilling av naboprosjekt på g/bnr. 43/373 (sameige), samt utbygging av gang- og sykkelveg så kan det bli føreteke nokre mindre grensejusteringar slik at endeleg tomteareal kan avvike noko frå dagens storleik.

Utomhusarbeid:
Viser til situasjonsplan som syner utforming av terreng. Utomhusplanen er meint å vere illustrativ og det vil difor bli justeringar som følgje av stadlege tilpassingar. Plenareal vert levert tilsådd. Avhengig av årstid vil ferdigstilling av utomhusområde bli utført etter overtakinga av bustaden. Postkassestativ må kjøpar sjølv besørge. Det vert sett opp gjerde i nabogrense mot vest, nord og aust. Utforming / type vert valt i samråd med arkitekt.

Eiet

280 m²

Denne spesifikasjonen er utarbeidd for å orientere om bygget sine viktigaste kvalitetar og funksjonar.
Det kan førekome avvik mellom byggespesifikasjonane og planteikningane. I slike tilfelle er det byggespesifikasjonen som er gjeldande. Alle konstruksjonar og løysingar i prosjektet vil vere basert på preaksepterte løysingar som inneber at løysingar og materiale er godkjende/sertifisert ihht. til den bruk/funksjon som er tiltenkt.
Illustrasjonar i teikningsmaterialet kan vise forhold som ikkje nødvendigvis samsvarar med den faktiske leveransen då ein del forhold er gjenstand for kundetilpassing. Dette kan f.eks vere møblering, fargeval, dør- og vindaugsform eller bygningsmessige detaljar.

Det kan bli naudsynt med mindre innkassingar av tekniske installasjonar som ikkje går fram av planteikningane.

Kanalar og røyrføringar vert skjult i veggar og himling, eventuelt bak innkassingar som vil bli overflatebehandla som ein del av overflata der dei blir montert. Innkassingar er ikkje vist på prospektteikningar. Endeleg utvendig fargeval vil bli gjort av arkitekt på eit seinare tidspunkt som del av den arkitektoniske utforminga av prosjektet.

Prosjektet blir byggemeldt i samsvar med Plan- og Bygningslova, tekniske forskrifter etter TEK 17, sist endra 21. juni 2017.

Fundament og ringmurar i betong. På plan 1 er det støpt golv med isolasjon under. Laminat og flisar oppå golvstøypen. Bygningen er elles ein trekonstruksjon.
Etasjeskilje har isolert bjelkelag med sponplater og laminat / flis over. Nedlekting og gipsplater under.

Carport vert bygd som kald, uisolert konstruksjon. Innvendig vert det plata i himling og veggar med kledning tilsvarande fasade elles. Yttervegg med ope spileverk mot aust. Carport får asfaltert dekke.

Taket er ein isolert sperrekonstruksjon, oppbygd som lufta tak med vidsperre, opplekting og OSB-plater. Taket har foleitekking. På undersida av sperr er det lekter og gipsplater.

Ytterveggar er utført i isolert bindingsverk og i hovudsak kledd med trekledning, eventuelt med innslag av fasadeplater. Trekledning vert levert ferdig måla frå fabrikk. Fargeval blir gjort av arkitekt i ein seinare fase i prosjektet.

Altandekke vert bygd som ein inntekka konstruksjon med terrassebord over. Konstruksjonen er isolert der det er rom under. Spaltekledning utvendig over inngang og under taksperr. Altan får rekkverk delvis som tett brystningsvegg og delvis med glas.

Innvendige veggar vert bindingsverk i tre med varierande tjukkleik. Overflater i hovudrom vert slette med malte gipsplater. Bi-rom som soverom og bod får overflater av ferdigmalte Huntonit veggplater i standardfarger. Bad får baderomsplater på vegg og fliser på golv. Sjå romskjema.

Kanalar og røyrføringar vert skjult i veggar og himling, eventuelt bak innkassingar som vil bli overflatebehandla som ein del av overflata der dei blir montert. Innkassingar er ikkje vist på prospektteikningar. Endeleg utvendig fargeval vil bli gjort av arkitekt på eit seinare tidspunkt som del av den arkitektoniske utforminga av prosjektet.

Det er medteke elektrisk golvvarme i opphaldsrom på bakkeplan og baderom. Vedomn i stove som vist på planteikning. Vedomn vert levert av typen Lotus Prestige 10, eller av tilsvarande kvalitet. Stålpipe. Underlagsplate av klart glas, 6mm.

? - undefined

Energiklasse C, eller betre. Energimerking av bustaden vil bli ein del av sluttdokumentasjonen for bustaden. Informasjon om energimerking finn ein på www.energimerking.no.

Seljar pliktar å stille bankgaranti til kjøpar i samsvar med Bustadoppføringslova §12. Denne garantien skal stillast umiddelbart etter bodaksept og skal tilsvare 3% av kontraktsummen i perioden fram til overtaking, og 5% av kontraktsummen i 5 år etter overtaking. Det skal ikkje betalast inn noko del av kjøpesummen før denne garantien er stilt.

Ved innbetaling av forskot stiller også utbyggar forskotsgaranti etter §47 tilsvarande dei til ei kvar tid innbetalte forskot fram til overtaking. Overføring av innbetalt forskot til meklar til seljar er avhengig av at seljar har stilt garanti i samsvar med bustadoppføringslova §47

Atterhald:
Seljar tek generelt atterhald om myndigheitene si sakshandsamingstid og eventuell justering i framdrift for overtaking/ -innflytting, heimelsoverføring med vidare som følgje av dette.

Ein tek vidare atterhald om myndigheitene sin godkjenning av prosjektet.

Det kan førekomme avvik mellom byggespesifikasjon og planteikningar. I slike tilfelle er det alltid byggespesifikasjon som er retningsgivande. Dersom det er avvik mellom prospekt og leveransespesifikasjon, er det den endelege leveransespesifikasjonen i kontrakten som gjeld. Omfanget av leveransen er avgrensa til denne.

Bustaden vert levert i byggereingjort stand. Kjøpar må pårekne utvask før eigen innflytting.

Alle opplysningar i denne salsoppgåva er gitt med atterhald om rett til endringar som er hensiktsmessige og naudsynte, føresett at det ikkje reduserer den generelle standarden monaleg. Kjøpar aksepterer utan prisjustering at seljar har rett til å føreta slike endringar. Døme på slike endringar kan vere innkassing av tekniske anlegg, mindre endring av bustaden sitt areal eller liknande.

Skøyte vert tinglyst i kjøpar sitt namn. Dersom kjøpar ikkje ønskjer tinglysing av skøyte, må han ta atterhald om dette i mellombels kjøpsavtale/bod. Ved eventuell endring i eigarskap/namneendring frå kjøpar si side etter bod/aksept vil det tilkomme administrasjonskostnader til meklar på kr. 15.000,- inkl. mva som innbetalast til meklar sin driftskonto. Eventuell endring krev utbyggjar sitt samtykke.

Seljar tek atterhald om retten til å gjere kredittvurdering av kjøpar. Eigedomsmeklar er underlagt lov om kvitvasking. Dette medfører at meklar har plikt til å melde frå til Økokrim om evt. mistenkelege transaksjonar. Alle kjøparar må leggje fram gyldig legitimasjon for legitimasjonskontroll til eigedomsmeklar eller gjennom sin bank.

Det vert teke atterhald om trykkfeil i leveransespesifikasjon og prospekt. Teikningar, bilete, animasjonar m.m. er av illustrativ karakter, og er i tillegg nedfotografert.
Vi gjer merksam på at bilete og teikningar/3D teikningar i salsoppgåva er illustrasjonar, avvik kan førekomme.

Teikningar av tekniske anlegg:
Tekniske anlegg og framføringar til desse blir ikkje vist på teikningar som vert omfatta av kjøpekontrakt. Endeleg plassering av desse vert bestemt av kva som er hensiktsmessig og naudsynt. Ein tar atterhald om endringar på planteikningar for framføring av sjakter for ventilasjonsanlegg og elektriske føringar.

Tv-anlegg vert basert på fiber. Det vert laga fordelarskap som er førebudd for fiberinntak. Kjøpar må sjølv innhente pris og inngå avtale (breiband/TV) med signalleverandør. Kjøpar betaler tilknyting/flytting samt abonnement. Ringeklokke av standard modell/kvalitet.

Bustaden ligg i eit attraktivt og roleg bustadområde med gode soltilhøve heile året. Det er gangavstand til sjukehuset, høgskule, barnehage og dagligvarebutikk. For fleire fasilitetar og servicetilbod er det 3 km. til Førde sentrum, som og har gang- og sykkelveg. For kollektiv transport er det busstopp for ringbuss med hyppige avgangar like ved.
Nærområdet byr på flotte turmoglegheitar som blant anna dagsturhytta og Viefjellet. Det er og mange fine turstiar i Angedalen og på Soleide.

Parkering i integrert carport. Det blir tilrettelagt (trekkerøyr) for el-billading i carport. Sjølve ladaren inngår ikkje i leveransen. Vår elektroentreprenør kan montere ladar som tilval om det er ønskjeleg. Dette kan ein ta opp i kundemøte.

Kr 6.580.000,-

Kr 6.618.874,-

Likningsverdien er førebels ikkje fastsett. Denne vert fastsett av Skatteetaten etter overtaking, og vil normalt vere 25-30% av første gongs kjøpesum.

Årlege kommunale gebyr ifølge Sunnfjord kommune per 2023:
Vatn pr år kr: 1 766,-
Forbruksgebyr vatn (kr. per m3): 12,97

Avløp pr år: 2 051,-
Forbruksgebyr avløp (kr. per m3): 21,51

Renovasjon pr. år: 4 287,- (ved bruk av behaldar på 140 liter)

Bygg og eigedom vil vere forsikra av seljar fram til overtaking. Deretter må kjøpar teikne fullverdiforsikring. Kjøpar må sjølv teikne innbu- og lausøyreforsikring.

Nyoppførte bustader er friteke frå eigedomsskatt fram til 01.01 året etter overtaking. Eigedomsskatten blir deretter på 6 promille (gjeldande ihht. sats 2023).

Utbyggar/seljar har rett til tilknyting frå eigne og andre sine eigedommar til dei private veg- og leidningsanlegg som er opparbeida av utbyggar. Eventuell refusjon for tilknyting til slike anlegg tilfell utbyggjar. Utbyggar har også rett til mot vederlag å knyte nye bustadfelt til anlegget.
Tomteselskap, kommune, elektrisitetsverk m.m., har tilgang til utan vederlag å leggje leidningar for vatn, overvatn, avlaup, kablar m.m. på eigedommen, og til å plassere naudsynte hydrantar og sluk på tomta etter dei til ei kvar tid gjeldande planar. Dei leidningar m.m. som ligg i tomta kan når som helst og utan vederlag gravast opp for reparasjon og vedlikehald.

Ved overtaking følgjer mellombels bruksløyve. Ferdigattest vil først ligge føre når heile prosjektet er ferdig.
Kjøpar pliktar å overta mot mellombels bruksløyve og har rett til å halde attende ein forholdsmessig del av vederlaget til sikkerheit for at ferdigattest vert gjeve. Alternativt kan seljar stille vanleg sjølvskuldnar garanti som sikkerheit for dette høvet. Seljar tek atterhald om å kunne stille slik garanti. Overtaking mot mellombels bruksløyve medfører at ein har teke over eigedomen og ikkje har krav på dagmulkt etter overtaking.

Eigedomen er regulert til bustadføremål. Plan ID 143220170002, datert 06.09.2019 er gjeldande for denne eigedomen. Ein gjer merksam på at deler av naboeigedomen er regulert til bustadføremål, samt ny gang- og sykkelveg, i samme planen. Sjå reguleringsplan.

Privat veg på eigen eigedom. Frå kommunal veg, fram til eigedommen, er privat veg, med tinglyst vegrett på g/bnr.43/8. Kjøpar må ta del i kostnader, med ideell andel, knytt til brøyting, vedlikehald mv. Dette vil verte organisert av Bøen sameige, g/bnr. 43/373.

Tilknytt offentleg vatn og kloakk.

10% ved underteikning av kontrakt
40% ved tett hus
40% ved klart til måling
10% ved overtaking

Prosentsats er av kjøpesum.

Kjøpar kan i samsvar med bustad-oppføringslova (bufl) kapittel IV, avbestille bustaden inntil overtaking har funne stad. Ved avbestilling betaler kjøpar etter bustadoppføringslova §54 eit avbestillingsgebyr på 5% av kjøpesummen. Bestilte endrings- og tilleggsarbeid skal betalast i si heilheit.

Forventa byggetid er ca. 18 månader frå oppstart betong.

Kjøpar er uansett plikta å overta 4 veker etter at seljar har varsla om dato for at bustaden er ferdigstilt, sjølv om dette er tidlegare enn stipulert ferdigstilling. Ved overtaking følgjer mellombels bruksløyve. Ferdigattest vil først ligge føre når heile prosjektet er ferdig.

Kjøpar pliktar å overta mot mellombels bruksløyve og har rett til å halde attende ein forholdsmessig del av vederlaget til sikkerheit for at ferdigattest vert gjeve. Alternativt kan seljar stille vanleg sjølvskuldnar- garanti som sikkerheit for dette høvet. Seljar tek atterhald om å kunne stille slik garanti. Overtaking mot mellombels bruksløyve medfører at ein har teke over eigedomen og ikkje har krav på dagmulkt etter overtaking.

Innan 3 mnd etter overtaking vil kjøpar få tildelt FDV- dokumentasjon som syner kva material, produkt og fargeval som er nytta, og i tillegg adresselister med oversikt over kontaktpersoner/ firma som er ansvarleg for dei forskjellige arbeid og vedlikehald.

Eventuelle bod må gjevast inn på meklar sitt standard bodskjema som vil bli nytta ved alle sal. Sjå bodskjema.

Bustaden vert selde i samsvar med lov om bustadoppføring av 13. juni 1997 nr. 43 (bustadoppføringslova).

Det vert levert med oppvaskmaskin, komfyr, induksjon platetopp og kjøle-/ fryseskåp frå Elektrolux. Kvitvarene er innbyggingsprodukt. Ventilator frå Røros, evnt Flexit.

Spesifikasjonar kvitevarer:
Induksjonstopp: HOI620S
Steikeomn: CKP806X1
Oppvaskmaskin: EES67410L
Kjøl- / fryseskåp: KNT3LF18S2

Etter lov om kvitvasking og terrorfinansiering pliktar meklar å gjennomføre kundekontroll ved å stadfeste identiteten til kunden, eventuelt reelle rettigheitshavarar, på bakgrunn av gyldig legitimasjon. Dersom slike kundetiltak ikkje let seg gjennomføre kan meklar ikkje etablere kundeforholdet eller utføre transaksjonen. På same måte pliktar meklar å gjennomføre kundekontroll på kjøpar. Meklarføretaket har plikt til å melde ifrå til Økokrim om eigedomstransaksjonar som framstår som mistenkjelege. Slik melding vert sendt utan at partane vert varsla. Meklar kan også i enkelte tilfelle ha plikt til å stoppe gjennomføringa av handelen.

Meklar kan formidle kontakt med lokal bank for rask avklaring av finansiering ved kjøp i prosjektet.

Det er avtalt at selgar skal betale ein fast provisjon på kr. 62 500,- og kr. 6 900,- for oppgjer. Marknadsføring etter avtale.

Å&Ø Utvikling AS

12006723

Ole Jonny Klopstad Holsen
Eiendomsmegler / Daglig leder / Partner
Tlf: 41522029
Epost: ole@wmegling.no

W Eiendomsmegling Sunnfjord AS
Hafstadvegen 23
6800 FØRDE
Org.nr. 926 591 126